އެމްޑީޕީގެ ވެރިކަމުގައި އައްޑޫގައި އިދިކޮޅު ފަރާތްތަކުން އުޅެންޖެހުނު ހާލު ފެންނަ ފޮޓޯއެއް ހިއްސާކުރައްވައި އެ ހަނދާންތައް ހައުސިން މިނިސްޓްރީގެ ޑެޕިއުޓީ މިނިސްޓަރު އަލްފާޟިލް ޙުސައިން ރަޝީދު އާކުރައްވައިފިއެވެ.
ފޭސްބުކްގައި މަޝްހޫރު ނަމުން ނަމަ ”މެޓްރިކްސް ހުސައިން“ ހިއްސާކުރެއްވި ފޮޓޯއިން ފެންނަނީ އޭނާގެ ލީޑަރު ކަމުގައި އައްޑޫގައި އޭނާ އާއި އެކު މަސައްކަތް ކުރައްވާ ސޯޝަލް މީޑިޔާ އެކްޓިވިސްޓުންކަމަށްވާ ޖެނީހު އާއި މޮހޯއެވެ. މި ދެބޭފުޅުންނަކީ ވެސް މި ސަރުކާރުގައި ޒިންމާދާރު މަގާމުތަކުގައި ތިއްބެވި ބޭފުޅުންނެވެ. އެގޮތުން ޖެނީހު އަކީ ހިތަދޫ ޕޯޓް ލިމިޓެޑްގެ ސީއޯއޯ އެވެ. މޮހޯ މަސައްކަތް ކުރައްވަނީ ވެމްކޯ އައްޑޫ އޮފީހުގެ އޮޕަރޭޝަންސްތައް ލީޑްކުރައްވާ މެނޭޖަރުގެ ގޮތުގައެވެ.
ހުސައިންގެ ޕޯސްޓްގައި އޭނާ ވިދާޅުވެފައި ވަނީ އޭރު ކޮންމެ ހާލެއްގައި އިދިކޮޅުން ތިބެން ޖެހުނަސް މިހާރު ޤާނޫނީ އިމުގެ ތެރެއިން ޚިޔާލު ފާޅުކުރުމުގެ ޙައްޤު އޮންނާނެ ކަމަށެވެ.