އެމްޑީޕީގެ ޗެއަރޕާސަން ފައްޔާޒު އިސްމާއިލް އާއި އަދި ކުރީގެ ރައީސް އިބްރާހިމް މުހައްމަދު ސޯލިހު ގުޅިގެން ރައްޔިތުންނަށް ބުޅާމަސް ކާން ދީފައިވާ ކަމަށް ޒާހިދު ރަމީޒު ވިދާޅުވެއްޖެއެވެ.
ޕީޕީއެމްގެ ސެނެޓް މެންބަރެއްގެ ގޮތުގައި ހުންނެވި ޒާހިދު މިހެން ވިދާޅުވީ މިއަދު ކުރެއްވި ޓްވީޓެއްގައެވެ. ޒާހިދު ވިދާޅުވީ ރާއްޖެ މިފަދަ ފެންވެރަކަށް ވެއްޓުމުގެ ޒިންމާ ފައްޔާޒު އާއި އިބްރާހިމް މުހައްމަދު ސޯލިހު ނަގަން ޖެހޭނެ ކަމަށެވެ.
ޒާހިދު މިގޮތަށް ވިދާޅުވި އިރު، މާލޭގައި ދިރިއުޅޭ ބުޅާތައް މަރައިގެން އޭގެ މަހުން ކާތަކެތި ތައްޔާރުކުރާ ކަމަށް ތުހުމަތު ކުރެވޭ ބިދޭސީއެއްގެ މައުލޫތު އާންމުވުމާ އެކު، އޭނާ ހޯދަން މޯލްޑިވްސް އިމިގްރޭޝަނުން ވަނީ އިއުލާނުކޮށްފައެވެ. މި ސަރުކާރުން ވެރިކަމާ ހަވާލުވެ އެންމެ އިސްކަންދީފައިވާ އެއް ކަމަކީ ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމެވެ. އެކަމަށް ހާއްސަ އޮޕަރޭޝަނެއް ފަށައި ގިނަ ބަޔަކު ހުއްޓުވައި އޭގެތެރެއިން ބައެއް މީހުން ވަނީ ޑިޕޯޓްކޮށްފަ އެވެ. އޭގެ ތެރޭގައި ރާއްޖޭގައި ހުއްދަ ނެތި ފުޅާކޮށް ވިޔަފާރި ހިންގަމުން ދިޔަ ބިދޭސީން ހިމެނެ އެވެ. ހާއްސަކޮށް ވަރަށް މުޑުދާރުކޮށް، ކާބޯތަކެތި ތައްޔާރުކޮށް އާންމުންނަށް ވިއްކާ ބިދޭސީން ވަނީ އަތުލައިގަނެފަ އެވެ.