މިދިޔަ ސަރުކާރުން ތަރައްގީގެ ނަމުގައި މަޝްރޫޢުތައް ހިނގާފައި ހުރި ގޮތް ވިދާޅުވެ ހެންވޭރު އުތުރު ދާއިރާގެ މެންބަރު އަޙްމަދު އައިފާން އެމްޑީޕީއަށް ހޫނު ރައްދެއް ދެއްވައިފިއެވެ.
މަޖިލީހުގެ ޖަލްސާގައި ޖޯޝާއި ފޯރީގައި ވާހަކަ ދައްކަވާ އައިފާން ވިދާޅުވީ، މިދިޔަ ސަރުކާރުން ތަރައްގީގެ ނަމުގައި މަޝްރޫޢުތައް ހިންގާފައި ހުރީ ނުއަގުގައި ކަމަށެވެ.
އައިފާން ވިދާޅުވި ގޮތުގައި މިފަދައިން އެމްޑީޕީން އަމަލުކުރުމުން ތަރައްގީގެ އިތުރު ޕްރޮޖެކްޓްތައް ހިންގުމަށް ވެސް ވަނީ ހުރަސް އެޅިފައެވެ.
މީގެ ކުރިން ވެސް އައިފާން ވަނީ މަޖިލީހުގައި އެމްޑީޕީއަށް ވަރަށް ބޮޑަށް ފާޑުވިދާޅުވެފައެވެ. އެގޮތުން މަޖިލީހުގައި ބައެއް މެންބަރުންގެ ފަރާތުން އަދިވެސް ރައްޔިތުން އެދޭ ގޮތަށް މަސައްކަތްކުރާ މަންޒަރު ނުފެންނަ ކަމަށެވެ. ޚާއްސަކޮށް މިހާރު އިދިކޮޅުގައި އޮތް އެމްޑީޕީގެ މެންބަރުން ރައްޔިތުންގެ މަޖިލިސް ސިޔާސީ ޖަގަހައަކަށް ހެދުމަށް މަސައްކަތް ކުރަމުން އަންނަކަމަށް ވިދާޅުވިއެވެ.