މަޝްހޫރު ޤާނޫނީ ވަކީލު ޝުނާނާގެ ޕަބްލިކް އިންޓްރެސްޓް ލޯ ސެންޓަރުގެ ފަރާތުން ކ.އަތޮޅުގެ ސްކޫލްގެ ދަރިވަރުންނަށް ހޭލުންތެރިކުރުވުމުގެ ސެޝަނެއް ކުރިއަށް ގެންގޮސްފިއެވެ.
ޕީއައިއެލްސީގެ އޮފިޝަލަކު ވިދާޅުވި ގޮތުގައި މި ސެޝަން ކުރިއަށް ގެންގޮސްފައިވަނީ ޔޫއެސްއެއިޑް އަދި ކާށިދޫ ސްކޫލާއި ގުޅިގެންނެވެ.
ޕީއައިއެލްސީން ދަނީ ވަކިވަކި މައްސަލަތަކުގައި ލަފާ ދިނުމުގެ އިތުރުން މީހުން ގާނޫނަށް އަހުލުވެރިކުރުމުގެ މަސައްކަތް ވެސް ކުރަމުންނެވެ. އެގޮތުން ވީހާވެސް ގާތުން މީހުންނަށް އެހީ ފޯރުކޮށްދިނުމަށް ޓަކައި ޕީއައިއެލްސީން ދަނީ ރާއްޖޭގެ އެންމެ ފުރަތަމަ ”މޮބައިލް ލީގަލް އެއިޑް ކްލިނިކް“ ހިންގަމުންނެވެ.
އެ ކްލިނިކުން ރަށްރަށަށް ޒިޔާރަތްކޮށް، ގާނޫނީ ޚިދުމަތް ބޭނުންވެފައިވާ ދިވެހިންނާއި ބޭރު މީހުންނަށް ވެސް ވަކީލުންނާ ބައްދަލުކުރުމުގެ ފުރުސަތުދެއެވެ. އަދި ތަފާތު ސަބަބުތަކާ ހެދި އެފަދަ ސެޝަންތަކަށް ހާޒިރު ނުވެވޭ މީހުންގެ ގޭގެޔަށް ޒިޔާރަތްކޮށް ވެސް އެހީ ފޯރުކޮށްދެއެވެ.