އިދިކޮޅު އެމްޑީޕީން މިރޭ ބާއްވަން އުޅުނު ޖަލްސާ ކެންސަލްކޮށްފިއެވެ.

މައުލޫމާތު ލިބިފައިވާ ގޮތުގައި މިރޭގެ ޖަލްސާ ކެންސަލްކޮށްފައިވަނީ ޖަލްސާއަށް ދާނެ ބަޔަކު ނުވެގެންނެވެ. އެމްޑީޕީން ބާއްވާ ހަރުގެ ޖަލްސާތަކަށް އާންމުގޮތެއްގައި މިހާރުދަނީ20 މީހުންނެވެ. އޭގެ ތެރޭގައި ޖަލްސާ ލައިވްކުރާ ކެމެރާ ކްރޫއާއި ފޮޓޯގްރާފަރުންވެސް ހިމެނެއެވެ.

2018 އިން2023 އަށް އެމްޑީޕީން ކުރި ވެރިކަމުގައި ވައްކަމާއި ފަސާދައިގެ އަމަލުތައް ގިނަވެގެންގޮސް ރައްޔިތުންގެ އިތުބާރުވަނީ އެޕާޓީއަށް ގެއްލިފައެވެ.

ރިޔާސީ އިންތިހާބުން ލަދުވެތި ގޮތަކަށް އެޕާޓީ ބަލިވެފައިވަނިކޮށް އޭޕްރިލްގައި އޮތް މަޖިލީސް އިންތިހާބުންވެސް އެޕާޓީވަނީ ހަޑިކޮށް ބަލިވެފައެވެ.