ފުލުހުންގެ ތަރުޖަމާނު އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާންގެ ނަމުގައި ވަގު ވައިބާ އެކައުންޓެއް ހިންގާ މައްސަލަ ފެންމަތިވެއްޖެ އެވެ.
ޝިފާންގެ ނަންމަތީގައި ހިންގަމުންދާ ވައިބާ އެކައުންޓުގެ ނަންބަރަކީ 7854084 އެވެ.
އެކި މީހުންނާއި ކުންފުނިތަކުގެ ނަންމަތީގައި ވަގު އެކައުންޓު ހަދައިގެން ސްކޭމް ހިންގުމާއި، މީހުންނަށް އޮޅުވާލައިގެން ފައިސާ ފޭރުން ފަދަ ކަންކަން ރާއްޖޭގައި ފަހަކަށް އައިސް ވަނީ އާންމުވެފަ އެވެ. އެހެންކަމުން އެފަދަ ކަންކަމަށް ސަމާލުވުމަށް ކަމާބެހޭ ފަރާތްތަކުން ދަނީ އަބަދުވެސް އިލްތިމާސް ކުރަމުންނެވެ.
ވެރިކަން ބަދަލުވެ ޝިފާން އެ މަގާމަށް އައްޔަންކުރުމުގެ ކުރިން ހުންނެވީ ނެޝަނަލް ކޮލެޖް އޮފް ޕޮލިސިން އެންޑް ލޯ އެންފޯސްމަންޓް (އައްޑޫ ޕޮލިސް އެކަޑަމީ) ހިންގެވުމާ ހަވާލުވެ ހުރި ޝިފާން ތަރުޖަމާނަކަށް ހަމަޖެއްސީ ފެބްރުއަރީ މަހުގައެވެ.