މި ސަރުކާރުގެ ވަޒީރުންގެ ތެރެއިން ނޫސްތަކުގެ ސުރުޚީތަކުން އެންމެ ގިނައިން ޖާގަ ހޯޢްދަވާ ބޭފުޅަކީ ޓޫރިޒަމް މިނިސްޓަރު ފައިސަލް ކަމާއި މެދު އެއްވެސް ޝައްކެއް ނެތެވެ. ފައިސަލް ސިޔާސީ ގޮތުން ހޯއްދަވަމުން ގެންދަވާ މަޤްބޫލުކަމާއި އެއްވަރަށް ޖިންސުން ލަތީފުންގެ މެދުގައި ވެސް ފައިސަލްގެ މަޤްބޫލުކަން ކުޑައެކޭ ނުދެންނެވޭނެއެވެ. އެގޮތުން ފައިސަލް އިވެންޓްތަކަށް ވަޑައިގަންނަވާއިރު ހެދުންކޮޅު ތުރުކުރައްވާ ގޮތް ޗާލުކަމުގެ ވާހަކަ ޓްވިޓަރ އަދި ފޭސްބުކްގައި ވަރަށް ގިނައިން ދެކެވެއެވެ.
މިފަހަރު ސޯޝަލް މީޑިޔާގެ ބައެއް ގްރޫޕްތަކުގައި ދެކެވޭ އެއް ވާހަކައަކީ ފައިސަލް އާއި އެންމެ ގުޅޭ ފޭޝިއަލް ހެއަރ ސްޓައިލް އަކީ ކޮބައިތޯއެވެ. މި ބަހުސެއް ފެންމަތިވީ ފައިސަލް މީގެ އަހަރުތަކެއް ކުރިން ރައްޔިތުންގެ މަޖިލީހަށް ވާދަކުރެއްވި އިރުގެ ވީޑިއޯ އެއް ފެންމަތިވުމާއި ގުޅިގެންނެވެ.
މި ވީޑިއޯއިން ފެންނައިރު ފައިސަލް ތުބުޅި ދިގުކޮށް ހުރުމުން ގިނަ ބަޔަކު ދަނީ އަނެއްކާ ވެސް ފައިސަލް އެގޮތަށް ތުބުޅު ބެހެއްޓުމުން ވަރަށް ޗާލު ވާނެ ކަމަށް ބުނަމުންނެވެ.
ކިޔުންތެރިންގެ ޚިޔާލުގައި މިނިސްޓަރު ފައިސަލް އާއި ގުޅެނީ ކޮން ސްޓައިލެއް ހެއްޔެވެ؟