ރައީސް ސޯލިހްގެ ވެރިކަމުގައި ސަރުކާރުގެ ތަރުޖަމާނަކަށް ހުންނެވި މިއުވާން މުހައްމަދު އެއް ޖިންސުން ގުޅުން ހިންގި މައްސަލައެއް ފުލުހުން ބަލަން ފަށައިފިއެވެ.
މި ނޫހަށް މައުލޫމާތު ދެއްވަމުން ފުލުހުންގެ ތަރުޖަމާނު އަހުމަދު ޝިފާން ވިދާޅުވީ މިއުވާން ގެ މައްސަލަ ބަލަންފެށީ ފުލުހުން ހިންގަމުން ދިޔަ އެހެން ތަހުގީގެއްގެ ތެރެއިން ލިބިފައިހުރި ހާޑްޑިސްކެއްގައި ހުރި ފޮޓޯ/ވީޑިއޯތަކެއްގައި މިއުވާން ފެންނަން ހުރެގެންނެވެ.
މިއީ ހިނގަމުންދާ ތަހުގީގަކަށް ވާތީ މިކަމާ ގުޅޭ އިތުރު މައުލޫމާތު ދެވެން ނެތްކަމަށް ޝިފާން ވިދާޅުވިއެވެ.
މިކަމާ ގުޅިގެން މި ނޫހުން މިއުވާނާއި ސުވާލު ކުރުމުން ވިދާޅުވީ އަދި މިހާތަނަށް ދުވަހަކުވެސް އެއްޖިންސުން ގުޅުން ް ހިންގާފައި ނުވާނެ ކަމަށާއި, ސަރުކާރުން މަސައްކަތް ކުރަނީ އެ ބޭފުޅާ ފްރޭމްކުރަން ކަމަށް ވެދާނެ ކަމަށެވެ.
”އަޅުގަނޑު އަދި މިހާތަނަށް ތިފަދަ ކަމެއް ނުކުރަން“ މިއުވާން ވިދާޅުވިއެވެ.
ފާހަގަކޮށްލެވޭ ގޮތުގައި އެމްޑީޕީ ވެރިިކަމުގައި އަލަމްގިރި ނަމަކަށް ކިޔާ ބިދޭސީއަކާއި އެކު އެ ސަރުކާރުގެ ގިނަ ބަޔަކު އެއްޖިންސުން ގުޅުން ހިންގި މައްސަލައެއް ވަނީ ފެންމަތިވެފައެވެ.
