ރައީސް ސޯލިހްގެ ވެރިކަމުގައި ފައިސާ ޗާޕުކުރީ ވަރަށް ބަލައިގެން ފަރުވާތެރި ކަމާއި އެކުކަމަށާއި އެއީ އެމެރިކާގައިވެސް ކުރާކަމެއް ކަމަށް ކުރީގެ އިޤްތިސާދީ ވަޒީރު އިބްރާހީމް އަމީރު ވިދާޅުވެއްޖެއެވެ.
އަމީރު މިހެން ވިދާޅުވީ އިއްޔެ އެމްޑީޕީން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
”ތެދެއް އަޅުގަނޑުމެން ފައިސާ ޗާޕު ކުރިން, އެކަމަކު އެކަން ކުރީ ވަރަށް ބަލައިގެން ފަރުވާތެރިކަމާއި އެކު. އަދި މިއީ އެމެރިކާގަވެސް ކުރާކަމެއް“ އަމީރު ވިދާޅުވިއެވެ.
ފާހަގަކޮށްލެވޭ ގޮތުގައި އަމީރަކީ އެމެރިކާއިން ތައުލީމު ހާސިލްކޮށްގެން ހުންނެވި ބޭފުޅެކެވެ.
މީގެ އިތުރުން އަމީރު ވިދާޅުވީ މި ސަރުކާރަށް ރާޢްޖޭގެ އިޤްތިސާދީ ހާލަތު ރަނގަޅު ނުކުރެވޭނީ, އެކަމުގެ ގާބިލުކަން ނެތުމުން ކަމަށާއި އެބޭފުޅުންނަކީ އެކަމުގެ ގާބިލުކަން ތިއްބެވި ބޭފުޅުން ކަމަށެވެ.
”ކިހިނެއްތޯ އެބޭފުޅުން މިކަން ކުރާނީ. އެތާކުނެތޭ އިޤްތިސާދު ދަންނަ މީހެއް. އަޅުގަނޑުމެން ކުޑައިރުއްސުރެ މިފަދަ ކަންކަމަށް އެމްޑީޕީގެ ތެރެއިން ލޯހުޅުވިފަ ވާތީ ޤައުމު ކޮވިޑު ހާލަތުގައިވެސް ބެލެހެއްޓުނީ“ އަމީރު އިތުރަށް ވިދާޅުވިއެވެ.
